وجهي / ليلة / أرق
<div dir="rtl" style="text-align: right;" trbidi="on">
:
:
وجهي / ليلة / أرق
v الواحدة إلا عشر
يمتدّ وجهي : الأرق . النور . الصالة
الواحدة إلا مساءٍ يشعل اعصابي
جدران همْ . ليل ايتناما . و الضيا هاله
و آشوفني وهم ٍ كبر في داخل ثيابي
ألمح صرير الباب تقـ..فز ضحكة بهباله
مجنون كل هذا الأرق يستوطن اهدابي
مفتاح حزن وْ أغنيات الليل محتاله
و بردٍ تسيله النوافذ يغرق كتابي
v الثانية إلا ربع
يتسمر الوقت / القلق يصحى هنا باله
يمرني وجه السهر يكنس معي اتعابي
ليلة أرق . ليلة ورق : يتعبثر لحاله
من علم العتمة تمر تهمس على بابي
:
ياصاحبي والليل مد احزانه
تتراقص اشباحه وظل اغصانه
كل الهموم تمر بك عطشانة
ظميانةٍ و أحلامها بردانة
نااام الطريق وخطوتك سهرانة
ومر المسا و نجومنا نعسانة
ما غير تحفر في الثرى لك خانة
تجني السراب وتشربك كثبانه
v الرابعة إلا ..
فنجان إلا . حلم بارد يشرب آماله
ارهاق إلا . ارتكابٍ يربك اسبابي
محتاج اقول إن الضما.. ما.. يحفر جباله
محتاج اقول ان الأرق ..رق..يوثق رحابي
محتاج اسولف عن سخف بؤسي وغرباله
لو تفهم الجدران . لا . لو يفهموا اصحابي!!
آعلق كتوفي الجدار .. اتساقط اسماله
واسكب على الما وجه آخر يحصد غيابي
ارجع ارتبني :تعب . ارهاق .. أو حاله
أخرج علي أستودع الأحلام و العابي
" طاهر "